Pas një muaji agjërim besimtarët myslimanë në mbarë botën kremtojnë sot Fitër Bajramin. Mëngjesin e sotëm mijëra besimtarë ishin pjesë e festimeve dhe faljes së namazit të Bajramit të organizuar në sheshin “Skënderbej” në Tiranë.
Festimet e Fitër Bajramit kanë filluar që në orët e para të mëngjesit me namazin e sabahut.
Kryetari i Komunitetit Mysliman të Shqipërisë, Bujar Spahiu, u lut që Zoti në këtë festë ta begatojë dhe ta mbushë me mirësi dhe paqe vendin tonë.
Në shesh mbizotëronte sot festa dhe gëzimim, ndërsa besimtarët janë përshëndetur dhe kanë ndarë me njëri-tjetrin emocionet e kësaj dite të madhe paqeje, siç e cilësojnë myslimanët.
Fitër Bajram është festa që shënon fundim e muajit të Ramazanit dhe kjo fjalë vjen nga fakti se myslimanët para ditës së Bajramit shpërndajnë lëmoshë, solidarizohen me të varfrit.
