Skënderbeu dhe Beshiktashi u përballën në një ndeshje miqësore të premten, që përfundoi në shifrat 2-3 për turqit. Por në këtë sfidë ndodhi diçka e pazakontë, por që mori duartrokitjet e tifozëve për “fare-play”-in. Turqit kalojnë të parët në avantazh në minutën e 16’, por në atë moment mbrojtësi Jashanica ishte i dëmtuar dhe lojtarët e Skënderbeut nuk e ndoqën aksionin.
Në atë moment Beshiktash merr një vendim unik, ku sipas mediave turke ishte trajneri Senjol Gynesh, i cili thirri disa nga lojtarët e tij dhe i urdhëroi se çfarë duhet të bënin. Më pas bëri një shenjë drejt stolit të Skënderbeut.
Pas rinisjes së lojës që parapriu me protestat te arbitri të korçarëve, turqit qëndruan pasiv, me Sowe që niset nga mesfusha pa u shqetësuar dhe shënon me portën bosh. Në këtë moment pati duartrokitje nga të gjithë të pranishmit në stadium. Një gjest fantastik i trajnerit që u mbështet edhe nga mediat turke.
