Ish-kryeministri italian, Silvio Berlusconi, ka mbrojtur pushtimin e Ukrainës nga Vladimir Putin, duke thënë se lideri rus ishte “shtyrë” në konflikt. 85-vjeçari tha se trupat ruse duhej të zëvendësonin qeverinë me “njerëz të mirë” dhe më pas të largoheshin.
Këtë fundjavë partia e Silvio Berlusconit pritet të marrë pushtetin, si pjesë e një koalicioni të krahut të djathtë në zgjedhjet e përgjithshme në Itali. Një narrativë që pretendon se qeveria ukrainase po masakronte rusishtfolësit në lindje të vendit u krijua nga media në Moskë, tha zoti Berlusconi për TV italian.
Ai tha se raportimi, i shtyrë nga forcat separatiste dhe politikanët nacionalistë në qeverinë ruse, nuk e kishte lënë Putinin pa zgjidhje tjetër veçse të niste një pushtim të kufizuar.
“Putini u shty nga popullsia ruse, nga partia e tij dhe nga ministrat e tij për të shpikur këtë operacion special”, tha ai.
“Trupat duhej të hynin, të arrinin në Kiev brenda një jave, të zëvendësonin qeverinë Zelensky me njerëz të mirë dhe një javë më vonë të ktheheshin”, shtoi Berlusconi.
“Në vend të kësaj ata gjetën një rezistencë të papritur, e cila më pas u ushqye nga armë të të gjitha llojeve nga Perëndimi”.
Udhëheqësit e opozitës dënuan shpejt komentet e Berlusconit, me liderin e Partisë Centrist Carlo Calenda që e akuzoi atë se fliste “si një gjeneral Putin”.
Dhe Enrico Letta i Partisë Demokratike të qendrës së majtë tha se ndërhyrja vërtetoi nëse zgjedhjet e së dielës janë “të favorshme për të djathtën, njeriu më i lumtur do të ishte Putin”.
Por të premten, zoti Berlusconi u përpoq të sqaronte komentet e tij, duke thënë se pikëpamjet e tij ishin “thjeshtuar”.
“Agresioni kundër Ukrainës është i pajustifikueshëm dhe i papranueshëm, pozicioni Forza Italia është i qartë. Ne do të jemi gjithmonë me BE-në dhe NATO-n,” tha ai.
Burimi i lajmit: BBC. Përshtatur nga Tirana Today
