Ish-kryeministri Sali Berisha nga salla e Kuvendit, e ka quajtur të papranueshme dhe të turpshëm reagimin e qeveritarëve, lidhur me përmbytjet dhe menaxhimin e tyre.
“Ndodhi një katastrofë nuk ka gjë më çnjerëzore, më të shpërfytyruar para atyre njerëzve sesa rreh gjoksin, krenaria absurde e këtyre qeveritarëve që rrinë e i bëjnë elozhe njëri-tjetrit, harrojnë se u është mbytur shtëpia, janë pa bukë, të sëmurë, pa asnjë ndihmë, këta lëvdojë njëri-tjetrin, ai thotë se Olta ka qëndruar 49 orë pa gjumë sikur të ishte monitor i gjumit, tjetri thotë se jam krenar, si ka mundësi që ky moral të sillet në Parlament, mbajeni për kabinetin qeveritar. Është injorim total, shumë mirë që i shpërblyet ushtarakët, por shpërbleni ata që nuk kanë kothere se i mori Vjosa se i vodhët fondet, keni vjedhur 10 milionë euro atje, pritat tuaj i mori lumi si të ishin prej kartoni. Lavdërime, rrahje gjoksi, këtu në Kuvend nuk duhet të ketë”- tha Berisha.
