Ish-kryeministri Berisha ka lënë parlamentin për të dhënë një deklaratë të shkurtër para medieve, teksa ka thënë se dita e sotme është dita e turpit kombëtar në historinë e parlamentit.
Deputeti demokrat tha se vendi është pushtuar nga Habilajt, ndërsa shtoi se PS është shndërruar në narkomazhorancë.
“Vendi është i pushtuar fund e krye nga Habilajt, një bandë që ka trafikuar me makinën e ministrit të Brendshëm Tahirit dhe mjete të tjerë drogë. Partia Socialiste është shndërruar në narkomazhorancë.
Nuk ka në historinë e këtij parlamenti ditë më të turpshme, kjo është dita e turpit kombëtar e këtij parlamenti”, tha Berisha, teksa rikonfirmoi se do të votojë pro arrestimit të Tahirit.
