Kreu i PD-së, Sali Berisha e ka cilësuar krim horror vrasjen e 7-vjeçares Jonada Avdia në Himarë nga ish-komisari Arjan Tase. Berisha u ka shprehur ngushëllime familjarëve të së ndjerës, e ndërsa në një prononcim për mediat tha se krimi ka ndodhur nga një njeri i qeverisë. Kreu i PD-së deklaroi se komisari është një xhelat, pasi kreu krimin në një distancë shumë të afërt me bregun e detit, në sy të qytetarëve.
“I shpreh ngushëllimet më të ndjera familjes. Erdha si qytetar. Jonada humbi jetën në një krim horror, dhe është një ngjarje që ka tronditur thellë çdo shqiptar. Si krim i shëmtuar, duhet të ishe një individ si ai që e kreu se kurrë nuk mund të ndodhte një akt i tillë.
Është jashtë përfytyrimit për një qytetar të thjeshtë, por në fakt ky akt u krye nga një njeri i qeverisë. U krye me një mjet monstruoz krimi, si skafi me 600 kuaj fuqi motor. Ku akt u krye në distancën më të afërt me rërën, në prani të qindra fëmijëve e pushuesve të tjerë. Në këtë aspekt, komisari nuk është gjë tjetër vetëm një xhelat. Është një dëshmi e një shteti të mbushur me të tillë, ju i keni vetë rastet. Edi Rama flet në mënyre të përçart”.
