Sali Berisha ka qenë i pranishëm sot në “Çadrën e Lirisë”, së bashku edhe me grupin parlamentar të PD-së, ku nëpërmjet fjalës së tij ka akuzuar drejtpërdrejt Edi Ramën, duke e quajtur “mashtrues”.
Ish-kryeministri tha se Ramës i është ngushtuar laku në fyt, si dhe se po përdor si fasadë elektorale zgjedhjet në Kavajë.
“Sot ne jemi në një betejë jetike për vendin. Etërit e Ramës pas 47 vitesh pushtet, vetëm me vetëm me krimin, ai që flitë, burgohej, internohej, pushkatohej. Vendi kishte shkolla, por vendi mbahej me krimin. Sot pasardhësi i tyre, Rama shtroi Shqipërinë me një shpejtësi të rrufeshme, me drogë, pas Noriegës. Ja ku po i them këtu, ne do të shembim ty, perandorinë e krimit dhe drogës. Çdo ditë që kalon, laku në fyt po të ngushtohet. Mashtrues ordiner, Nastradin i vërtetë. Data 7 maj Kavaja hedh në kosh të plehrave farsën elektorale të krimit, Noriegës së shqiptarëve, Edvin Kristaq Ramës”, theksoi ai.
Ndërkohë, Basha foli shkurt sot dhe tregoi arsyen përse ka shkuar sot në çadër, gjë që s’para ndodh të enjteve.
Basha ritheksoi se do t’i jepet fund republikës së vjetër, për t’ja lënë vendin Republikës së Re.
“Jam këtu për të mirëpritur kryeministrin hungarez, i cili na ka dhënë mbështetje për vendin. Republika e re i ka mbledhur në çadër qytetarët. Kjo është beteja kundër padrejtësisë e tiranisë se krimit. Sot jemi me të bashkuar në luftën për demokraci të vërtetë. Demokraci e vërtetë nga qytetaret për qytetaret. Beteja jonë për zgjedhje të lira është për votën e qytetarëve”, tha Basha.
