Ish-kryeministri Sali Berisha tha sonte se kryeministri Edi Rama nuk e ka blerë tokën në Surrel.
I ftuar në emisionin “Studio e Hapur” në “News24” Berisha sqaroi se tokën në Surrel Ramws ia ka dhuruar vjehrrin e një deputeti.
Berisha deklaroi se gruaja e Edi Ramës, Linda e ka marrë përsipër blerjen e tokës, në mënyrë skandaloze me 2 dollarë.
Gjithashtu, Berisha deklaroi se Rama ka marrë pallatin në pajë.
“Çfarë fytyre ka Fatmir Xhafa t’u kërkoi 10 mijë policëve; nëse ke pirë kafe me ndonjë trafikant. Ca fytyre ka Xhafaj tu kërkoi qindra gjyqtarëve kur Rama mori pallatin në pajë?! Ai e ka deklaruar 2 dollarë metri katror. Atë historinë e tokës e di unë. E di madje edhe kush ia ka falur. E ka marrë dhuratë. Por e ka deklaruar se e ka blerë 2 dollarë. Po nuk mund të pranojë 5 mijë metra katorë. Gruaja e tij ka qenë drejtoreshë në administratën time. Tokën nuk e mori Linda. Ai ka bërë gënjeshtra. Toka iu fal Ramës nga vjehrri i një deputetit. Linda e ka marrë përsipër, në mënyrë skandaloze me 2 dollarë”, tha Berisha.
