Ish-kryeministri, Sali Berisha tha në media se Rama po ndihmon Vuçiçin që të largojë shqiptarët nga Lugina e Preshevës. Në deklaratën e tij Berisha u shpreh se regjimi i Vuçiç ka marrë masa më të egra ndaj Luginës së Preshevës. Berisha sqaroi se presidenti i Serbisë, Aleksandër Vuçiç i ndihmuar nga Rama ka vendosur në drejtimin e Preshvës të komanduar të tij. Qeveria e Ramës është qeveria e zero interesit kombëtar.
https://www.facebook.com/tiranatodaycom/videos/371412789970131/
Berisha: Denoncuam me ashpërsinë më të madhe qëndrimet albanofobe të Vuçiç dhe të Edvin Kristaq Ramës ndaj shqiptarëve të Preshevës. Në këtë periudhë mjalti midis këtyre të dy zyrtarëve me të lartë të vendeve respektive, regjimi i Vucic ka ndërmarrë masa anti-shqiptare ndër më të egrat që ka njohur Presheva, Medvegja e Bujanovci në historinë e tyre. Ai synon ripopullimin e këtyre trevave të pastra shqiptare me refugjatë nga territore të tjera të Ballkanit dhe jo vetëm Ballkanit. Për këtë qëllim në dhunim të kushtetutës dhe gjitha konventave ndërkombëtare ka zëvendësuar udhëheqësit legjitimë të Preshevës me vasalë të tij, që në një mbledhje marrin 50 e ca vendime të diktuara nga Beogradi, të miratuara nga Edvin Kristaq Rama.
Disa ditë më parë në duke iu referuar statistikave të Institutit të Statistikave serbe u publikua lajmi se kush po i vret shqiptarët e Luginës së Preshevës. Edhe nga deklarata e Berishës sot duket se ka një plan konkret për “asgjësimin” e shqiptarëve që jetojnë aty.
