Milani pëson disfatën e radhës në ‘San Siro” dhe këtë herë është Atalanta e Etrit Berishës që i rrënon më shumë. Nga një gol për çdo pjesë ka mjaftuar që Atalanta të dalë me tre pikë nga ky takim. Milani edhe pse kishte disa shkëndija të mira gjatë ndeshjes ku u duk se mund të bënte më shumë ai gol i Ilicic që sapo u fut në lojë i fundosi totalisht.
Skuadra dukej hija e vetvetes, dhe ata lojtarë që zbresin në fushë nuk janë të denjë për fanellën legjendare Kuqezi. Në fillim u duk sikur Milan do të rezistonte dhe madje gjeti golin e avantazhit që më pas u anulua nga arbitri për shkak se një nga lojtarët vendas e kishte prekur topin me dorë.
Më pas ish-milanisti Cristante ndëshkon vendasit në minutën e 32’ pas një gafe trashanike të Donnarumma-s. Pas pushimit Ilicic vulos fitoren e vizitorëve të Altanatas në minutën e 71’. Me këto 3 pikë të marra brenda në Milano, Atalanta ngjitet në vendin e shtatë, me 27 pikë në total, ndërsa Milani vazhdon rënien e lirë dhe ndodhet në vend të 11-të të renditjes së Serie A.
