Në seancën e sotme, ka pasur debat mes deputetëve të djathtë e të majtë, ndërsa nuk kanë munguar as akuzat.
Ish-kryeministri Sali Berisha ka ngritur shqetësimin e tij lidhur me sistemin e shëndetësisë, teksa tha se shumë pacientë që kanë valvula në zemër prej muajsh nuk gjejnë dot hollues gjaku, pasi mungon në treg.
Gjatë fjalës së tij në foltoren e Kuvendit, deputeti demokrat akuzoi një ministër të kabinetit qeverisës se luan me diamante dhe e ka botën rozë:
“Ai që foli para meje, luan me diamante, e ka të lehtë, e ka rozë këtë botë, ndërsa këta po këta që vdesin për valvula e kanë ferr këtë botë”.
Berisha nuk përmendi emra, por iu referua ministrit të Turizmit dhe Mjedisit, Blendi Klosi i cili foli para tij.
