Ish-kryeministri Sali Berisha ka folur lidhur me arrestimin e dy ish-deputetëve të Partisë Socialiste, Arben Ndoka dhe Arben Çuko.
Por, u vu re që kryeministri Rama komentoi vetëm arrestimin e këtij të fundit, teksa shkroi në Twitter:
“Keqardhje për A.Çukon po për ne s’ka dy qëndrime në raport me ligjin,ka vetëm një;s’ka dy qasje në raport me drejtësinë, ka vetëm një;s’ka dy fytyra në raport me qytetarët, ka vetëm një! Ne s’jemi e kurrë s’do jemi njësoj si të tjerët. Ne gjithnjë kemi vetëm një krah: DREJTESINE!”
Pse nuk e komentoi Rama arrestimin e Ndokës?
Berisha ka folur sonte në “Open” me Eni Vasilin, ku tha se Rama nuk guxon të flasë për Ndokën sepse ky i fundit ‘e hedh në erë, pasi di gjithçka për të’.
“Ndoka e hedh në erë Ramën, i di gjithçka Ramës , po ta them këtu. Mbasi iku me presion të madh nga parlamenti, Ndoka ka qenë më i plotfuqishmi i PS-së. Por, arrestimin e tij Rama s’e ndalonte dot,” tha Berisha. TIRANA TODAY
