Ish-kryeministri Sali Berisha ka dhënë një deklaratë për mediat, menjëherë pas përjashtimit të deputetit Flamur Noka nga seanca e sotme parlamentare.
Berisha tha se nuk ka ndodhur kurrë në histori që të mos jepet fjala për procedurë, ndërsa shtoi se Edi Rama nuk mund ta ofendojë atë.
FJALA E BERISHËS:
E drejta e procedurës është e drejtë që nuk mund të shkelet kurrë, e shkel vetëm një njeri që do të shkatërrojë parlamentin shqiptar. S’ka ndodhur kurrë në histori që në mënyre kaq të vendosur të mos u respektohet e drejta e fjalës për procedure.
Si ta thotë mendja që mund të më ofendojë mua Edi Rama? Rama nuk më ofendon mua, fjalët e tij janë lavdërim. Problemi themelor është se kemi të bëjmë me mohimin e të drejtës të fjalës për procedure.
Ligji për minoritetet, me të cilin jam dakord, kush e paraqet? Ministria e Jashtme, sikur minoritetet të jenë shtet të jashtme.
Mazhoranca ka një skenar: të mashtrojë qytetarët.
