Analisti i njohur, Andi Bushati duke komentuar vendimin e DASH për shpalljen ”non grata” të ish-kryeministrit Sali Berisha tha me ironi, se peshqit e mëdhenj në Shqipëri, janë trashur dhe nuk janë kapur.
Deklarata e Bushatit u bë mbrëmejn e sotme në emisionin ”Open” në Top Channel. Sipas tij, ka një entuziazëm në vend, që vjen për shkak se nuk janë ndëshkuar ata që janë përfshirë në korrupsion, dhe presim që këtë do të na e bëjë Amerika.
Andi Bushati: ”Akoma jam i kalamendur mes idesë që SHBA-të duan të bëjnë demokraci, apo thjesht shpallja non grata Berishës është përpjekje për të ruajtur stabilitetin dhe për të ruajtur regjimin e Ramës. Nuk kam asnjë element që të them që kemi një angazhim të fortë për të bërë demokraci perfekte në Shqipëri. Ka një entuziazëm në Shqipëri që vjen sepse nuk kemi ndëshkuar dot hajdutët tanë dhe presim që këtë do të na e bëjë Amerika.
Por do na e bëjë Amerika aq sa na dënoi Donald Lu peshqit e mëdhenj dhe sa kohë ka kaluar deri atëherë, peshqit janë trashur dhe nuk janë kapur. Një duartrokitje për mua dakord shpallja non grata e Berishës, por qoftë edhe një deklaratë për miliona paratë e drogës që pastrohen me ndërtimet në Tiranë.”
