Ish-kryeministri Sali Berisha ka bërë një deklaratë të fortë sonte duke thënë se Fatmir Xhafaj është i mbytur deri në fund nga dosja e vëllait të tij dhe dosja ndaj Saimir Tahirit është shumë e vogël nga ajo e Xhafajt. Në emisionin ‘Studio e Hapur” me Eni Vasilin në “News 24” Berisha hedh akuza se ministri i Brendshëm Fatmir Xhafaj është shumë më i implikuar se Tahiri në çështjet e drogës. Sipas Berishës ai mbron vëllain e tij që është i dënuar për trafik droge në Itali.
Berisha: Vendimin final për vëllanë e Xhafajt e ka të këtij viti, Gjykata e Lartë e Romës e ka në këtë vit. Mund të ketë qenë në ndjekje. Ai është i dënuar me 12 vite burg. Nuk ka qenë i dënuar kur ne kemi bërë fjalë. Së pari ai rrinte në Spanjë. Dosja e implikon me çizme Fatmirin. Dosja e vëllait e implikon më shumë se dosja e Tahirit.
Gjithashtu, Berisha tha se në Shqipëri gjenden plot 9 miliardë euro drogë e fshehur në tunele dhe magazina.
Berisha: Edi Rama kishte vullnetin e mbjelljes së drogës. Ato ishin mbjelljes, e ndërsa tani jemi në korrjen e saj. Të paktën 9 miliardë euro gjenden në tunelet dhe magazinat e Shqipërisë, të cilat bëjnë ligjin në çdo qelizë të vendit.
