Ish-kryeministri Sali Berisha deklaroi se pas vrasjes së Oliver Ivanoviç qëndrojnë organizata terroriste ultranacionaliste serbe të llojit Dora e Zezë. Me anë të një statusi në rrjetin social “Facebook”,Berisha tha se këto vitet e fundit terroristët serb kanë kryer akte të rënda kriminale. Ish-kryeministri shkruan se Oliver Ivanoviç ishte njërin prej udhëheqësve më në zë të serbëve të Kosovës në këto dy dekada, ish sekretar shteti në një nga qeveritë e Beogradit.
Postimi i plotë i Sali Berishës
Vrasja e Oliver Ivanoviç, nje akt i rende dhe i denueshem me prapavi politike!
Te dashur miq, sot ne mengjes fallnga te krimit ekzekutuan para selise se partise tij, njerin prej udheheqesve me ne ze te serbeve te Kosoves ne keto dy dekada, ish sekretar shteti ne nje nga qeverite e Beogradit, Oliver Ivanoviç.
Duke denuar ashpersisht kete akt kriminal dhe shprehur ngushellimet autoriteteve te Kosoves dhe familjareve te te ndjerit Oliver Ivanoviç, theksoj se ekzekutimi i tij para deres se selise se partise se tij dhe pikerisht diten e hapjes se dialogut Prishtine-Beograd ne Bruksel, te le te kuptohet se pas ketij akti te shemtuar kriminal qendrojne organizata terroriste ultranacionaliste serbe te llojit Dora e Zeze, qe jane organizuar keto vitet e fundit dhe kane krye akte te renda kriminale.
Urojme qe autoritetet e Kosoves te vendosin sa me pare para ligjit sponsorizuesit, organizatoret dhe ekzekutoret e ketij akti te shemtuar! sb
