Ish-kryetari i Partisë Demokratike, Sali Berisha ka dalë për herë të parë publikisht kundër Bashës.
Në një intervistë të dhënë për gazetarin Çim Peka, Berisha ka pranuar pakënaqësinë e tij lidhur me drejtimin e PD-së nga Basha.
Është vetë gazetari Peka ai që ka publikuar një frazë nga deklarata e Berishës, teksa shkruan se ish-kryeministri ka folur hapur kundër Bashës.
“Këshilltarët e Lulzim Bashës janë mizerabël. Ajo nuk ishte lista e PD, por lista Basha. Disa përjashtime janë të papranueshme”, ka thënë ndër të tjera Berisha, i cili deri më tani, të paktën publikisht, ka mbajtur një qëndrim neutral ndaj kreut të PD-së, pavarësisht “lumit” të kritikave nga Topalli, Patozi, Bregu, Mustafaj, etj.
