Kreu i Partisë Demokratike, Lulzim Basha ka mbledhur sot grupin e ri parlamentar në selinë blu. Menjëherë pas mbledhjes, ai ka ftuar për kafe deputetët e rinj.
Ajo që u vu re menjëherë ishte mungesa e ish-kryeministrit Sali Berisha, i cili me siguri ka marrë ftesë nga Basha por ka zgjedhur ta braktisë këtë të fundit.
Brenda partisë më të madhe opozitare mund të themi se kemi një përçarje, teksa grupi i të “vjetërve” Topalli-Patozi-Imami kanë dalë publikisht kundër rizgjedhjes së Bashës në krye të PD-së, duke i kërkuar atij të dorëhiqet, por që u rizgjodh edhe për 4 vite të ardhshme në krye të demokratëve.
