Ish-kryeministri Sali Berisha ka ironizuar Drejtorin e Përgjithshëm të Policisë së Shtetit, Haki Çakon, të cilin e quan të “depolitizuar”.
Me anë të një postimi në Facebook, Berisha e pyet Çakon se sa autobusë e mjete të tjera ka sjellë dje nga rrethet për mitingun e PS-së në Tiranë.
“Nje pyetje per te “depolitizuarin” Çako!
Sa autobuza, mikrobuza, automjete te tjera sollen dje nga rrethet pjesmarresit ne mitingun e Rames. Apo i ke sekret ato te PS?? Sb”, shkruan Berisha.
Mësohet se lideri i opozitës i ka kërkuar kryeministrit Edi Rama gjatë diskutimit të marrëveshjes edhe shkarkimin e Çakos, por ai nuk pranoi.
Çako zhvilloi sot një takim me kryeministrin Rama dhe ministrin e Brendshëm, Fatmir Xhafaj për të diskutuar lëvizjet pas marrëveshjes historike PS-PD.
