Një shqiptare e cila mbështeste bashkëatdhetarët në sfidën përballë Serbisë, është filmuar teksa bënte shqiponjën dykrenare me duar.
Pas golit të parë të Zvicrës nga futbollisti me origjinë shqiptare, Xherdan Shaqiri, një tifoze në stadium Anila Mahalla bëri shqiponjën me duar.
— Out Of Context Albanians (@nocontextalbos) December 2, 2022
Shqiptarja u shoqërua nga rojet e sigurimit, pasi veprimi i saj nuk iu pëlqeu serbëve. Përmes një postimi në rrjetet sociale, tifozja ka treguar se ajo ishte ulur pranë tribunës së serbëve dhe ata menjëherë njoftuan rojet e sigurisë.
Anila Mahalla përmes një sqarimi në rrjetin social Instagram, ka sqaruar se çfarë ndodhi në tribunat e ndeshjes Zvicër-Serbi.
“Kjo jam unë. Unë nuk u dëbova, unë po shkoja të flisja me ta se pse po shfaqja flamurin e Kosovës, sepse ata e morën atë shqiptar dhe të gjithë tifozët serbë ishin ‘të çmendur’ dhe të zemëruar dhe ofendues, unë isha në mesin e tyre, kur arrita Shaqiri dha golin e parë dhe zemra ime shpërtheu. Ishte momenti kur tregova flamurin dhe ata filluan të thërrisnin sigurimin dhe nuk u ndalën. Ky ishte momenti im për të dalë, për të folur me ta për të ndryshuar ulësen”, ka shkruar ajo në postimin sqarues në Instagram.
