Një vajzë 17-vjeçare, banuese në Berat, është paraqitur në Spitalin Rajonal të këtij qyteti për ndihmë mjekësore pasi ishte vetë-helmuar me pesticide.
Sipas njoftimit të Policisë, bëhet fjalë për një 17-vjeçare me inicialet A.Ç , e cila është dërguar më vonë për ndihmë më të specializuar në QSUT.
Ndërkohë, është bërë e mundur arrestimi në flagrancë i shtetasit D.K., 17-vjeç, i cili akuzohet se ka përndjekur prej disa ditësh me mesazhe telefonike 17-vjeçaren.
Njoftimi i Policisë:
Më datë 05.05.2019, nga Specialistët e Seksionit për Krimet u bë arrestimi në flagrancë i shtetasit: D.K, 17 vjeç, banues në Berat.
Arrestimi i tij u bë pasi, paraditen e sotme është paraqitur në Spitalin Rajonal Berat, për ndihmë mjekësore, e vetë-helmuar me pesticide, shtetasja A.Ç, 17 vjeçe, banuese në Berat, e cila u dërgua për ndihmë të specializuar në QSUT.
Nga hetimet rezulton se shtetasi i mësipërm e ka përndjekur prej disa ditësh me mesazhe telefonike.
Materialet u referuan në Prokurorinë e Rrethit Gjyqësor Vlorë për veprën penale “Përndjekja”, parashikuar nga neni 121/a të Kodit Penal.
