Një aksident rrugor është regjistruar pasditen e sotme në qytetin e Vlorës, ku një person ka mbetur i plagosur.
Ngjarja ka ndodhur rreth orë 19:00 në lagjen Kushtrim, ku një mjet tip “benz” ka përplasur një person dhe është larguar me shpejtësi nga vendi i ngjarjes.
I plagosuri është identifikuar me inicialet M. S, dhe është punonjës policie. Ai është dërguar me urgjencë në spital dhe ndodhet në gjendjë të rëndë shëndetësore.
”Më datë 21.01.2021, rreth orës 19:00, në lagjen Kushtrim, Vlorë, një mjet i markës Benz, me drejtues ende të paidentifikuar ka aksidentuar duke u larguar nga vendngjarje shtetasin M. S, i cili ndodhet në spital, në gjendje të rëndë shëndetësore.”, informon policia.
Grupi hetimor dhe shërbimet e Policisë ndodhen në vendngjarje dhe vijon punën për identifikimin dhe kapjen e drejtuesit të mjetit si dhe sqarimin e plotë të rrethanave të aksidentit.
