Një këngëtar i njohur shqiptar është kapur me kokainë në Itali. Bëhet fjalë për këngëtarin Dëfrim Dervishi, i njohur me emrin e artit si Defri, i cili ishte pjesë e një bande që merrej me trafik kokaine nga Holanda në Itali.
Policia italiane ka shkatërruar një bandë shqiptaro-arabe, të cilët merreshin me trafik kokaine nga Holanda në Itali. Operacioni në fjalë është zhvilluar në zonën e Emilia Romanjas dhe Toskanës, dhe u arrestuan 22 persona, mes të cilëve edhe 10 shqiptarë. Një nga shqiptarët e prangosur është edhe Dervishi, i cili jetonte prej vitesh në shtetin italian, ku edhe ushtronte aktivitetin.
Hetimet kishin nisur në vitin 2016, ndërsa provat vërtetuan edhe aktivitetin e paligjshëm të kësaj bande, që ishte e specializuar për tregtinë e kokainës të importuar nga Holanda.
Grupi kriminal kishte shtrirje në disa zona të Italisë, përkatësisht në Emilia Romagna, Toscana, Lombardia dhe Sicilia. Kokaina e importuar nga Holanda shitej në Itali, rreth 80 euro për gram, ndërsa një kilogram blihej me shumicë për 35 mijë euro.
