Ditën e sotme temperaturat do të jenë sërish shumë të larta, pasi do të arrijnë 39 gradë.
Megjithatë, sinoptikanët kanë lajme të mira. Ditën e enjte do të ketë rënie graduale, ndërsa në fundjavë do të ndjehet fresku, pasi maksimumi në mesditë do të arrijë 31-32 gradë celsius.
Por, sot, nesër dhe pasnesër temperaturat do të jenë ende të larta. Për sa i përket ditës së sotme, temperatura maksimale e matur në hije shkon deri në 39 gradë.
Kthjellimet do të dominojnë gjithë territorin deri në mesditë kur në ekstremin verior dhe zonat verilindore shfaqen vranësira kalimtare.
Pasditja dhe mbrëmja do vijojnë me mot të kthjellët në gjithë vendin, përjashtuar verilindjen ku ende do mbeten vranësira kalimtare.
