Dy të rinj arrestohen nga polica, pasi akuzohen se ushtruan dhunë ndaj hallës së tyre. Në pranga kanë rënë vëllezërit M.M, 30 vjeç dhe A.M, 24 vjeç, banues në Fier.
Arrestimi i tyre u bë pasi për motive pronësie kanë ushtruar dhunë fizike, ndaj hallës, shtetases M.B, 45 vjeçe e cila ishte e pajisur me urdhër mbrojtje.
Ndërkaq, gjatë kontrollit në banesë, policia gjeti dhe sekuestroi në cilësinë e provës materiale disa fishekë.
Policia njofton se materialet i kaluan Prokurorisë pranë Gjykatës së Shkallës së Parë Fier për veprat penale “Dhunë në familje”, “Mbajtja pa leje e municionit luftarak” dhe “Veprime në kundërshtim me vendimin e Gjykatës”.
