Belgjika u bë vendi i parë që shpalli kampionen e kampionatit në tavolinë. Belgët vendosën se në këti momente por edhe në vazhdimin e disa muajve të tjerë, do jetë e vështirë për të menduar rreth futbollit. Kështu, duke qenë se Club Brugge ishin ata që udhëhiqnin kampionatin para se të ndërpritej, iu akordua titulli kampion.
Megjithatë, për kapitenin e tyre, Vormer kjo për momemtin nuk mund të festohet. Arsyeja? Gruaja e mesfushorit është mjeke dhe është në vijën e parë të rrezikut në luftën ndaj koronavirusit, ndaj edhe Vormer nuk është i qetë.
“Po vdesin mijëra njerëz dhe ne duhet të mendojmë për play off? Ju lutem tani. Jam shumë krenar për gruan time që është mjeke. Nuk mund t’ia dilja në këtë situatë pa të, do isha çmendur. Vetëm mund ta admiroj. Nuk mund ta festoj titullin derisa ajo të kthehet në çdo mbrëmje e sigurt, atëherë mund të pi diçka”, u shpreh Vormer.
