Lidhur me debatin që po zhvillohej në emisionin “Opinion” në TV Klan, referuar historikut të vjedhjes së votave ndër vite në Shqipëri, gazetari Andi Bejtja ka lëshuar një deklaratë të fortë. Ai është shprehur se drejtori i Klan Kosovës, Baton Haxhiu, duhet shpallur “non grata” në Shqipëri.
Për gazetarin Andi Bejtja, s’mund të mbrohet vjedhja e votave në përgjimet e publikuara nga “Bild”, apo kriminelët e përgjuar aty.
Në lidhje më këtë shqetësim të Bejtjes, Haxhiu iu përgjigj se kishte deklaruar se kriminelët që dëgjohen në përgjime, ai i konsideron kriminelë dhe që me ta duhet të merret drejtësia.
Megjithatë, sipas tij, si kriminelë të votave duhen trajtuar edhe ata me kollare.
