Sikundër kishin parashikuar edhe sinoptikanët, tashmë kemi hyrë në javën më të nxehtë të verës.
Ditë pas dite parashikohet të intensifikohet edhe i nxehti gjatë natës, me vlera që në agim nuk do të arrijnë të zbresin nën 25 gradë.
Era nuk do të mungojë, pasi do të vijë nga veriu i Ballkanit, pavarësisht se do të jetë e dobët dhe në përgjithësi temperaturat do të shkojnë jo më shumë se 35 gradë në rajone të ndryshme.
Italia do të jetë më e nxehtë, me temperaturat që pritet të shkojnë deri afër 40 gradë, në disa rajone të caktuara.
I nxehti është bërë i prekshëm në të gjithë kontinentin evropian, pavarësisht kontrasteve të verifikuara.
