Futbollistët me origjinë shqiptare po shkëlqejnë në Botërorin e Rusisë edhe pse janë pjesë e kombëtareve të huaja. Fillimisht ishte Xhaka dhe Shaqiri që shënuan përballë Serbisë dhe bënë festimin e tyre me shqiponjë që tërhoqi vëmendjen e të gjitha mediave botërore. Më pas ishte Xhemajli sërish për Zvicrën e në fund i kritikuari Adnan Januzaj.
Januzaj luan për Belgjikën dhe ka krijuar shumë polemika gjatë kohës që refuzoi Shqipërinë dhe Kosovën, ndërsa së fundmi u shpreh se ”është shtetas belg dhe ndihet belg po ashtu”.
Por në deklaratën e fundit Januzaj ka tronditur të gjithë, pasi ka pranuar se ka prejardhje nga Kosova dhe se është mjaft i lindur me atë vend, pavarësisht të gjitha fjalëve që thuhen.
“Natyrisht se Kosova është vendi im” i përgjigjet ai gazetarit pas pyetjes së tij, ndërsa flisnin për fotografi të vjetra që i kishte bërë në Kosovë. Madje, Januzaj potencon se është mjaft i lidhur me vendin e tij.
Unë jam kosovar dhe jam i lidhur me vendin tim. Prindërit e mi vijnë nga ai vend po ashtu…”, janë deklaratat e fundit të Adnan Januzajt.
