Juventusi është në kërkim të trajnerit që do të zëvendësojë Massimiliano Allegrin, pasi ra pista e Pep Guardiolas në “pole position” është ish-trajneri i Napolit, Maurizio Sarri. Këtë të fundit presidenti Agnelli ka vendosur të shkojë ta takojë personalisht në Baku (Azerbajxhan), ku Chelsea do të luajë finalen e Europa League.
“Daily Mail” raporton se akordi mes palëve është arritur për 7 milionë euro në sezon për tre vitet e ardhshme dhe e bën fakt të kryer rikthimin e Sarrit në Itali.
Por është Luciano Moggi ai që i ka befasuar të gjithë me deklaratën që ka bërë: “Është folur për shumë emra, nga Sarri, te Pochetino, Inzaghi e kështu me rradhë… Por, për një emër nuk është folur: Jurgen Klopp. Kujdes”.
