Një grup studiuesish japonezë ka arritur të dalin në disa rezultate paraprake se sa i rrezikshëm është koronavirusi, dhe sa shpejt transmetohet. Në këtë material filmik shihet mjaft qartë se si COVID -19 arrin të shpërndahet në ambient, dhe të infektojë përmes spërklave.
Kërkuesit japonezë kanë përdorur pajisje lazer dhe kamera me ndjeshmëri të lartë, që janë në gjendje të identifikojnë mikro-grimcat.
Duke iu referuar kërkimit në fjalë, nëse një person kollitet një herë, ai shpërndan 100 mijë spërkla, të cilat qëndrojnë në ajër për një periudhë të caktuar. Për 20 minuta mund të mbushin edhe një sallë të tërë.
Në rang global, Covid-19 ka vrarë mbi 71 mijë persona dhe ka infektuar 1.3 milionë të tjerë. Shqipëria ka regjistruar 377 persona të infektuar dhe 22 viktima nga Covid-19.
