Pas zhvillimeve të fundit për hetimet ndaj ish-ministrit Saimir Tahiri, i cili u la me arrest shtëpie, kanë reaguar ambasadat e huaja në vend. BE në deklaratën për mediat rikujton se prezumimi i pafajësisë është një element themelor i së drejtës për një procedurë të drejtë gjyqësore.
Pas reagimit nga Ambasada amerikane në Tiranë, edhe Bashkimi Evropian ka përgëzuar punën e autoriteteve të zbatimit të ligjit në Shqipëri dhe zhvillimet e fundit pozitive lidhur me hetimin e rasteve të krimit të organizuar dhe korrupsionit.
Ndërsa rikujton se prezumimi i pafajësisë është një element themelor i së drejtës për një procedurë të drejtë gjyqësore, Bashkimi Evropian gjithashtu shpreh pritshmërinë e tij që autoritetet shqiptare ta vazhdojnë me vendosmëri luftën e tyre kundër korrupsionit dhe krimit të organizuar, që është thelbësore për avancimin e procesit të anëtarësimit të Shqipërisë në BE.
