BE-ja do të shpërndajë 651 mijë vaksina Pfizer në Ballkanin Perëndimor

Bashkimi Europian do të shpërndajë 651 mijë vaksina Pfizer në Ballkanin Perëndimor, me anë të programit Covax.

Qëllimi i dërgesës së këtyre vaksinave është imunizimi i profesionistëve shëndetësorë dhe grupeve tjera me përparësi.

Këto vaksina do të vijnë direkt nga BE-ja, dhe janë të pavarura nga programi COVAX, i Organizatës Botërore të Shëndetësisë, i cili ka për qëllim shpërndarjen e vaksinave në vendet e varfra.

BE-ja është duke punuar për të arritur të ashtuquajturën marrëveshje trepalëshe, e cila do të përfshijë vendet e Ballkanit Perëndimor, kompaninë Pfizer dhe vetë BE-në.

Të gjithë partnerët e Ballkanit Perëndimor janë anëtarë të COVAX. Serbia, Shqipëria, BiH, Mali i Zi dhe Maqedonia e Veriut marrin pjesë si partnerë të vetë-financimit dhe kontribuojnë në këtë përpjekje globale për të siguruar vaksinat dhe mbrojtjen e popullatave të prekshme në të gjithë botën.