Kur Shqipëria pret javën tjetër zyrtarët e lartë të Bashkimit Evropian për të marrë në duar progres-raportin, sjellja e Edi Ramës me Saimir Tahirin mund të hedhë në erë gjithçka.
Pavarësisht se në publik BE po mbështet kryeministrin Rama, duket se në prapaskenë ka tjetër mendim për kreun e qeverisë dhe lidhjet e tij të ngushta me ish-ministrin e Brendshëm. Kjo vjen për faktin pasi Tahiri nuk i është dorëzuar drejtësisë pavarësisht se për të ka nisur një hetim nga prokuroria shqiptare dhe është ngritur një komision hetimor i kryesuar nga opozita.
https://tiranatoday.com/tahiri-habilajprokuroria-ben-levizjen-e-bujshme/
Nisur nga rrethanat politike dhe mënyra sesi Rama e ka marrë nën mbrojtje Saimir Tahirin që kur u akuza për lidhjet e tij me trafikun e drogës, BE po mendon që t’ia hedhë poshtë të gjitha pritshmëritë për hapjen e negociatave në qershor.
Këtë e thotë nën zë një ambasador (emri të cilit nuk bëhet i ditur) i një prej vendeve të BE-së në vendin tonë, duke zbuluar kështu edhe qëndrimin real që ka Brukseli ndaj Shqipërisë.
Qëndrimin politik të BE-së, që artikulohet në prapaskenë, e bëri të ditur ish-ministri i Jashtëm Besnik Mustafaj për News 24, i cili adresoi shqetësimin e BE-së për Shqipërinë sipas të cilit nuk ka BE pa burgosur Saimir Tahirin.
Besnik Mustafaj: Mënyra sesi po e mbështet kryeministri Rama, Saimir Tahirin është një mister i madh. Një ambasador më tha se negociatat nuk mund të hapen për faktin se Saimir Tahiri nuk është në burg. Saimir Tahiri nuk është në qeli sepse ka mbështetjen e vetë Ramës. Si ka mundësi që ky njeri të jetë i lirë, ndërkohë që në burg janë protestuesit e pafajshëm të Kukësit, ndërkohë Tahiri i cili është akuzuar nga mediet vendase por edhe ato ndërkombëtare është ende jashtë.
