Bayern Munich ka shkatërruar Besikatsin me rezultatin e thellë 5-0 që në ndeshje e parë të vlefshme për 1/16 e Champions League. Bavarezët që në fillim filluan sulmet, ndërsa përfituan edhe nga largimi me karton të kuq të Domagoj Vida. Pas kësaj rreziku u shtua me James Rodriguez i cili iu afrua golit nga gjuajtja e lirë në minutën e 19-të. Hummels dhe David Alaba rrezikuan po ashtu për gjermanët po nuk gjetën rrugën e rrjetës.
U desh të vinte minuta e 43’ që Bayern Munich ta gjej golin e avantazhit. David Alaba pasoi mjaft bukur te Thomas Muller, i cili e dërgoi në rrjetë.
Pjesa e dytë filloi me gol për bavarezët. Lewandowski asistoi për francezin Coman i cili shënoi golin e dytë nga shumë pranë zonës. Muller gjeti rrugën e rrjetit për herë të dytë në minutën e 66-të, për ta siguruar praktikisht fitoren (3-0).
Ndeshja pa gol të Lewandowskit në “Alliaz Arena” nuk mund të mbyllet dhe ai gjeti rrjetën dy herë në minutën e 79-të dhe 88-të.
Me këtë fitore Bayerni është praktikisht i kualifikuar në fazën tjetër të Champins League.
