Bayern Muchen është duke kaluar një moment mjaft të vështirë. Humbja e kësaj jave në “Signal Iduna Park” ndaj Dortmundit me rezultatin 3-2 ishte një goditje e rëndë e cila e çon diferencën me kryesuesit në -7. Kjo situatë ka tronditur fuqishëm pozitat e trajnerit Niko Kovac.
Humbja në transfertë ndaj vedhezinjve, ka bërë që drejtuesit e kampionëve në fuqi të Gjermanisë të mendojnë një alternativë ideale për të zëvendësuar trajnerin kroat. Sipas mediave gjermane, Zinedine Zidane është kandidati favorit për të drejtuar pankinën bavareze, e cila nuk po gjen rehatinë e duhur që pas emërimit të Kovac në krye. Që pas dorëheqjes nga ekipi i Real Madrid, francezi është i papunë dhe me shumë mundësi mund të ndodhë një e tillë në ditët në vijim.
