Hertha Berlinit i ka shkaktuar humbjen e parë Bayern Munich në Bundesligë dhe tashmë ndodhet në vendin e parë me kryeqytetasit. Skuadra nga Berlini ka befasuar kampionët në fuqi duke i mposhtur me rezultatin 2-0.
Ndeshja u zhbllokua në gjysmën e pjesës së parë nga Vedad Ibisevic i cili shënon me anë të një 11 metërshi, ndërsa një minutë para fundit të pjesës së parë mesfushori sllovak Ondrej Duda shtangu sërish mbrojtjen mike.
Nuk kishte ndodhur asnjëherë që nga viti 1988 që Bayern të përmbyste dy gola disavantazh dhe kjo nuk ndodhi as këtë herë. Në pjesën e dytë ekipi i drejtuar nga Nico Kovac sulmoi me kokën poshtë por nuk arriti të mposht ish-portierin e tyre Thomas Kraft.
Bayern dhe Hertha kryesojnë me 13 pikë, pas gjashtë javësh, por Borussia Dortmund dhe Werder Bremen mund të ngjiten në krye nëse fitojnë sfidat e radhës në transfertë përkatësisht ndaj Leverkusen dhe Stuttgart.
