Bayern Munich është kualifikuar për në gjysmëfinale të Champion League, pas një barazimi 0-0 në “Allianz Arena” përballë Sevillas. Gjithcka u vendos nga ndeshja e parë në Spanjë, ku bavarezët triumfuan me 2-1. Sevilla nuk arriti të shënojë në portën e Ulrich, teksa tentativa e Correa u ndal në shtyllë, por as Bayern, i cili në fundjavën e kaluar u shpall kampion i Gjermanisë, nuk bëri mjaftueshëm për të fituar ndeshjen.
Sevilla, ishte më shumë kërkuese dhe kishte kaluar kundërshtarë mjaft të vështirë deri në këtë fazë, pasi kishte eliminuar Manchester United dhe del me kokën lart nga Championsi. Skuadra e drejtuar nga Montella e mbylli ndeshjen me dhjetë futbollistë, pasi në minutën e fundit shtesë Correa doli me karton të kuq.
Krahas titullit, të siguruar pesë ndeshje para fundit, bavarezët do të luajë në gjysmëfinalen e Kupës së Gjermanisë kundër Leverkusen dhe në gjysmëfinalen e Champions League, ku kundërshtari do të mësohet pas shortit të ditës së premte.
