Ministrja për Marrëdhëniet me Parlamentin, Elisa Spiropali ka komentuar një më një të gjithë drejtuesit politik të Partisë Socialiste në 12 qarqet e vendit.
E ftuar në emisionin “Zonë e Lirë”, Spiropali ka komentuar të gjithë kolegët e saj, duke premtuar nga të gjithë rezultate surprizuese. Nga të gjitha qarqet, ministrja u ndal më së shumti në Tiranë, ku bashkë me kryebashkiakun Erion Veliaj, drejtojnë fushatën e socialistëve.
Ajo premtoi 19 ose 20 mandate, duke vënë edhe bast, ndërsa shtoi se vetëm nëse kryedemokrati Lulzim Basha kthehet në një “snajper” do të mund që të afrohej me shifrat e socialistëve.
Komentet e Spiropalit për çdo qark
Ilir Beqja në Shkodër: Më thoni një personazh që nuk është anatemuar. Përveç atyre periferikë. Ka qënë një nga ministrat më të suksesshëm. Reformat e tij kanë mbetur dhe sot. Edhe sot lënë gjurmë. Nuk është personazh që vete në ekrane dhe të mundohet që të blejë mediat, po. Por kjo nuk do të thotë që nuk është i suksesshëm dhe që Shkodra nuk do ketë rezultat suprizues kësaj here.
Safet Gjici në Kukës: Mimi Kodheli dhe Safet Gjici për shumë pak vota morën mandatin e dytë në Kukës. Në atë qark që e mendoni të djathtë. Ne për shumë pak vota e humbëm. Kemi shans të madh në Kukës, që njerëzit të votojnë për ata që punojnë.
Lindita Nikolla në Lezhë: Në ëndrrat e Markut, po fitojnë. Nikolla ministre shumë e suksesshme, ka bërë refoma.
Xhaçka në Dibër: Me Dibrën do të habiteni vërtetë. Lëri dosjet. Dibranët janë të mençur. E dinë për kë votojnë. Dibra ka qenë një nga qarqet që ka performuar më mirë në 2019 nën drejtimin e Oltës dhe besoj kështu do jetë edhe këtë herë.
Ardian Çela në Durrës: Besoj se Durrësi është i blinduar
Spiropali në Tiranë: Unë dhe Lali jemi në Tiranë. Nuk jam vetëm, për të qënë korrekte. Mbaje shënim ti. Po ç’a do bëjmë bast o burr’…Do fitojmë 19-20 mandate në Tiranë. Vetëm po Luli kthehet në një snajper të vërtetë, mund të rriten për të na mbërritur, por nuk na kalojnë dot
Blendi Klosi në Berat: 5 mandate Berat. Kaq!
Niko Peleshi në Korçë: Drejtues i vjetër në Korçë. Me reputacion të lartë.
Gjiknuri në Vlorë: Hë tani…Vlora ka marrë një investim të jashtëzakonshëm, do jetë ndoshta një nga qytetet më të mira në Mesdhe. Investim strategjik për të ardhmen.
Gramoz Ruçi në Fier: Në Fier kemi marrë rekord mandatesh. Do i marrim sërish.
Bledi Çuçi në Gjirokastër: E kemi blind Gjirokastrën.
