Shpallja e qeverisë së re shkaktoi shumë reagime në radhët e opozitës. Një ditë pas Asamblesë së PS-së, duket se ka ende kundërshtime dhe kritika për zgjedhjet e Ramës.
Sot ka reaguar ish-kreu i LSI-së, Petrit Vasili lidhur me shkrirjen e dy ministrive, atë të Turizmit me atë të Mjedisit.
Vasili shkruan në Facebook se kryeministri çuditi dynjanë me injorancën e padëgjuar shtetërore të tij.
POSTIMI I VASILIT:
Turizëm dhe mjedis bashkë, injoranca bën festë.
Kryeministri shkollëpak çuditi dynjanë dje me injorancën e padëgjuar shtetërore të tij. Turizmin dhe mjedisin, oponentët e papajtueshëm të njëri-tjetrit, injoranca e frikshme e kryeministrit i vuri bashkë.
Turizmin, nga mundësi madhore zhvillimi e ktheu në hiç. Turizmi i drogës ka rëndësi për të dhe ai ka shënuar vërtetë suksese.
Do të kemi qeverinë më të kriminalizuar, por edhe kryeinjoranten e Europës. Shkollëpaktit aferim…
