Dhjetra banorë të zonës së “Astirit” janë duke protestuar, kundër vendimit të Bashkisë së Tiranës për shkatërrimin e shtëpive të tyre, pa kompensim. Ndodhur në kushtet që banorëve nuk po u plotësohet kërkesa e tyre, turma mjaft e revoltuar ka hedhur vezë, tymuese dhe shashka në drejtim të Bashkisë.
Protesta e banorëve të “Unazës së Re” ka hyrë sot në ditën e 13-të. Prej orës 11:00 te paradites, ata po protestojnë përpara godinës së Bashkisë së Tiranës, ku i bëjnë thirrje kryetarit Erion Veliaj, të tërheqë projektin e ri per “Unazën”, deri sa të gjithë banorët që preken, të dëmshpërblehen me vlerën e tregut.
Rreth 200 banorë kanë bërë thirrje ndaj qeverisë, ndersa kanë shpalosur një banderolë të madhe ku shkruhet “MASHTRIM”. Ata e cilesojne korruptiv projektin që do u prishë shtëpitë e bizneset tek zona e “Astirit”.
