Bashkia e Tiranës do t’i propozojë qeverisë krijimin e lehtësirave për përdorimin e makinave elektrike edhe nga qytetarët e bizneset. Kryetari i Bashkisë Erion Veliaj tha se për të shtrirë përdorimin e mjeteve elektrike tek qytetarët, do të ketë disa lehtësira, siç u veprua me autobusët elektrikë, për të cilët u hoq taksa dhe dogana.
“Të gjitha taksitë elektrike janë të zëna dhe fakti që po aplikojnë më shumë të tilla, do të thotë se ky biznes po lulëzon. Tani që kemi arritur këtë fazë emancipimi, është momenti ideal që të fusim mjetet elektrike për konsumatorët”, tha ai.
Zoti Veliaj tha gjithashtu se bashkia tashmë ka aplikuar tek kompania Tesla për krijimin e një stacioni për karikimin e mjeteve elektrike në Tiranë.
