Ish-kreu i Aleancës Kuq e Zi, Kreshnik Spahiu, ka ironizuar rëndë kreun e Partisë Demokratike, Lulzim Basha, duke i vënë në dukje se të gjithë besnikët e kanë lënë në baltë. Dje, disa nga kandidatët për anëtarë të Këshillit Kombëtar të Partisë Demokratike janë dorëhequr nga gara.
Një prej tyre është Fabian Topallaj, i cili arsyet e dorëheqjes së tij i lidh me kryetarin Lulzim Basha.
Sipas tij, Basha ka marrë peng PD-në. Kryetari i Partisë Demokratike bëri një deklaratë të fuqishme dhe të qartë nga Kuvendi Kombëtar i PD-së, duke thënë se kjo forcë nuk do të vijë kurrë në pushtet me kufoma, përveç zgjedhjeve dhe votës së lirë.
Por qëndrimi i tij dhe lëvizjet që kanë ndodhur brenda grupit, ka bërë që Spahiu të tallet me Bashën.
