Në përfundim të mbledhjes së grupit Parlamentar të Partisë Demokratike, kryetari Lulzim Basha në hodhi akuza të rënda ndaj qeverisë, kur tha se vendin e qeverisin bandat dhe klanet mafioze. Sipas tij, kryeministrit Rama s’mund t’i kërkosh të luftojë vetveten.
Basha: Ky vend nuk qeveriset, sundohet nga bandat dhe klanet mafioze. Edhe nga raporti i OSBE-së u faktua që vota e 25 qershorit u ble, u dhunua dhe tjetërsua. Fakti i dytë është që këtë e bëri Edi Rama dhe PS. Fakti i tretë është se blerja dhe tjetërsimi i votës u bë me ndihmën e bandave dhe klaneve kriminale.
Basha më tej foli për një front të gjerë opozitar që mund të përmbysë të keqen, sipas tij.
Basha: Vendi është në prag të një gremine sa i përket shtetit ligjor, po punojmë për një plan politik dhe ligjor për të nisur bashkë me gjithë shqiptarët e ndershëm një luftë që do ketë vetëm një përfundim mposhtjen e klanit kriminal. Ti kërkosh Edi Ramës të luftojë vetveten është e tepërt, prandaj nevojitet një front i gjerë opozitar.
