Basha: Vazhdojmë kryengritjen, frikacaku Rama i mbyllur në bunker

Kryetari i PD-së, Lulzim Basha ka pritur sot në zyrën e tij qytetarë nga Kukësi. Pas takimit, para selisë së PD-së Basha deklaroi se është takuar me prindër, baballarë e qytetarë nga Kukësi që iu është vënë trau tek dera, të cilët kryeministri Edi Rama i do në burg. Kreu i PD-së e quajti Ramën frikacak dhe iu bëri thirrje qytetarëve të vazhdojnë kryengritjen.

“Sapo kam pritur burrat, prindërit, baballarët nga Kukësit të cilët pasi u trajtuan në mënyrë shtazarake janë liruar me kusht ndërkohë që vazhdojnë të ndiqen penalisht. Shikojini këta njerëz, fytyrat e tyre, mungesën e ndihmës ekonomike dhe shanset për punë që iu është vënë trau tek dera. U ngritën për mbijetesën e fëmijëve të tyre. këta janë njerëzit që Rama i do në burg dhe për të cilët ka ngritur një proces politik., jam krenar që jam sot në krah të tyre dhe që së bashku me deputetët e tjerë po hetohemi nga kjo hetuesi politike që mendon se në mënyrë të verbër mund të mbysë revoltën e njerëzve të thjeshtë. Rama frikacak i mbyllur në bunkerin e tij dhe nuk arrin të kuptojë brengën e këtyre njerëzve. Futja në bunker është edhe fundi i autokratëve të korruptuar dhe të inkriminuar. Thirrje të gjithë shqiptarëve të vazhdojmë së bashku kryengritjen qytetare. Aktin që morën qyt e Kukësit kundër padrejtësive ta vazhdojmë deri në fund për t’i dhënë fund njëherë e mirë një shteti grabitqar”, tha Basha.