Kreu i PD-së, Lulzim Basha ka uruar krijimin e Federatës Shqiptare të Mjekëve në Evropë, e cila do të ndihmojë vendin me asistencë gjatë pandemisë së koronavirusit,
Përmes një postimi në Facebook, Basha thotë se ndihma dhe ekspertiza e tyre do të shërbejë për të ngritur në këmbë sistemin shëndetësor.
Postimi i plotë:
Mirënjohje mjekëve shqiptarë anembanë Europës për këtë iniciativë humane për të dhënë ndihmën e tyre, edhe pse punojnë e jetojnë jashtë Shqipërisë.
Urimet më të përzemërta dhe suksese Federatës së sapoformuar të mjekëve shqiptarë në Europë. Nesër ajo do të jetë burim i ekspertizës shqiptare dhe europiane me të cilën do të ngremë në këmbë sistemin tonë shëndetësor. #ditemetemira
