Kryetari i Partisë Demokratike ka deklaruar nga qyteti i Fierit se bashkimi i 100 ditëve të Republikës së re është fillimi i një epoke tjetër.
Ai i ka bërë ftesë publike Edi Ramës të dalë në debat televiziv për t’iu dhënë llogari shqiptarëve për premtimet dhe punën e bërë gjatë këtyre 4 viteve.
Kryetari i PD-së, i’u është drejtuar fierakëve se 4 vitet e shkuara kanë qenë vitet më të vështira te këtyre 27 viteve të fundit.
Sipas Bashës, ky bashkim do të jetë një bashkim kundër oligarkisë, taksave të rënda dhe pasurimit të xhepave të disa pushtetarëve.
Po ashtu, ai tha se Edi Rama dhe një grup individësh kanë shkatërruar besimin e qytetarëve te politika pasi ata kanë abuzuar në këto katër viteve. Po ashtu ai tha se ky mentalitet do të ndryshojë me ardhjen në pushtet të Republikës së Re.
Më tej, Basha u shpreh se Republika e Vjetër ka nxjerrë fytrën e vetë te mundi i qytetarëve, te taksat dhe te abuzimet.
“Rama premtoi shëndetësi falas, premtoi se 97 per qind e shqiptarëve do të paguajnë me pak taksa dhe se do të shtonte 300 mijë vende pune dhe sot ai është i pa përgjegjshëme t’ju llogari.Ne jemi të bashkuar, ata janë të përçarë. Ne jemi të bashkuar jo vetëm brenda radhëve tona. Sot hedhim themelet e një politike për qytetarët. Politikanët e papërgjegjshëm me Ramën në krye shkaztërruan besimin te politika si instrument ndryshimi. Unë e di se me gjithë përpjekjen time dhe punën time të madhe, e di se ka një mosbesim të madh te politika dhe politikanët se të tjera gjëra thonë dhe të tjera gjëra bëjnë kur futen në zyrat e pushtetit, se në fushatë flasin për popullin kurse në zyrat e shtetit e kanë mendjen te tenderat dhe pasurimi i xhepave të tyre. Kjo është totalisht e vërtetë, por kjo është ajo që ne do ndryshojmë dhe do përmbysim me votën tonë në 25 qershor”,tha Basha.
