Kryetari i Partisë Demokratike, Lulzim Basha ka zhvilluar pasditen e sotme një bashkëbisedim me pedagogë të universiteteve në vend.
Në këtë takim, u bisedua për nisjen e vitit të ri akademik, që do të zhvillohet me mësim online.
Basha deklaroi se teknologjia në universitete nuk është e mjaftueshme për të zhvilluar mësimin në këtë mënyrë.
Ai kërkoi informacion nga pedagogët dhe problematikat me të cilat përballen si dhe propozime për tejkalim të tyre.
Lulzim Basha: “Sot duhet të ishit në mësim por fatkeqësisht nuk u zhvillua mësimi. Muaji ka pësuar rrjedhje tjetër pasi nuk do të ketë mësim në auditore por online sipas urdhërit të qeverisë. Jemi takuar me studentët për tema të ndryshme. Shqiptarët mund t’i cekin disa prej çështjeve. Sa i përgatitur është sistemi arsimor për mësimin online. Asgjë nuk është surprizë, ndryshe nga marsi që pandemia na kapi papërgatitur.
Në informacionin që mora nga kolegët tuaj dhe studentët, nuk janë marrë masat e nevojshme. Plani u ndryshua brenda 72 orëve. Do të doja të flasim hapur me problematikën që kemi. Studentët i kam dëgjuar. Teknologjia dhe kapacitetet e universiteteve e pamjaftueshme për të zhvilluar një proces dinjitoz online. Është humbur shumë kohë. Mirëpres propozimet tuaja për të përballuar këtë kalim të beftë tek mësimi online”.
