Vijojnë replikat mes kryetarit të PD, Lulzim Basha dhe kryeministrit, Edi Rama në lidhje me raportin e politikanit zvicerian Dick Marty, ku pretendohet se janë kryer krime lufte ndaj serbëve në kohën e luftës në Kosovë.
Por, Basha duket më tepër i interesuar për situatën aktuale në vend, teksa i kujton Ramës premtimet e pambajtura sipas tij, të tilla si shëndetësia falas apo 300 mijë vende pune.
Sipas Bashës, kryeministri është gënjeshtar dhe se po i vjen dita që të largohet.
Basha shprehet se është koha për një të ardhme të re për Shqipërinë.
”Cfarë lidhje ke ti me të vërtetën, Edi Rama? Premtove shëndetësi falas- gënjeve. Premtove 300 mijë vende pune-gënjeve. Papunësia në Shqipëri arriti majat. Premtove se do ulësh çmimet e ushqimeve dhe ilaçeve-gënjeve. Çmimet vetëm janë rritur. Premtove se do ulësh taksat – gënjeve. Premtove se do ulësh çmimin e energjisë – gënjeve. Po vjen dita të largohesh gënjeshtar. Është koha për një të ardhme të re për Shqipërinë!’’, shkruan Basha në rrjetin social, Twitter.
Cfarë lidhje ke ti me të vërtetën, Edi Rama? Premtove shëndetësi falas- gënjeve. Premtove 300 mijë vende pune-gënjeve. Papunësia në Shqipëri arriti majat. Premtove se do ulësh çmimet e ushqimeve dhe ilaçeve-gënjeve. Çmimet vetëm janë rritur. Premtove se do ulësh taksat – gënjeve.
— Lulzim Basha (@lulzimbasha_al) November 8, 2020
