Kreu i PD-së, Lulzim Basha, në përfundim të mbledhjes së grupit të PD, në një dalje për mediat tha se në video-konferencën me Daul dhe Hahn është shprehur shqetësimi për krizën politike në Shqipëri.
Gjatë kësaj deklarate për shtyp, Basha u shpreh se PD është e gatshme të heq dorë nga kauza, nëse Rama jep dorëheqjen.
Gjithashtu Basha u tregua i hapur të diskutojë lidhur me daljen nga kriza politike, por pa tradhtuar atë që ka nisur, pasi shqiptarët do të ndiheshin të zhgënjyer dhe do të linin vendin.
“Jemi të gatshëm të heqim dorë nga kauza jonë, nëse Rama jep dorëheqjen.
Partia Demokratike është në këtë betejë për qytetarët shqiptarë dhe në qoftë se ne tradhtojmë këtë kauz, ata do ta shohin si fatalitet. Në qoftë se ne braktisim këtë betejë do të ketë mijëra shqiptarë të tjerë që do të lënë Shqipërin për të ikur në emigracion.
Ne jemi të gatshëm të diskutojmë, por nuk jemi të gatshëm të tradhtojmë atë që kemi nisur.
Basha konfirmon edhe një herë se zgjidhja e deri tanishme e PD-së është qeveria teknike, por në qoftë se do ketë negocime, mund të dalë zgjidhje tjetër më e mirë. Vendimi i grupit parlamentar lidhur me tryezën e iniciuar nga presidenti Nishani, është pro takimit me zotin Rama”, tha Basha.
